BIBLIA (S)

S. BIBLIA

sic per excellentiam vocatur liber eloquiorum Dei, S. Scrtpturam V. et N. T. contivens: Vide Testamentum vet. et

Novum.

Horum ex Hebrae et Graeco, linguis authenticis, versiones iam olim variae fuerunt: paraphrasis Chaldaica V. T. a Ionathane Uzielis fil. Onkelos. etc. et editio Syriaca T. N. Ecclesiae Antiochenae nascentis opus, ut videtut. Versio Graeca LXX. Interp. 300. ante Christum annis iustu prolemaei Philadelphi, ab Hellenistis Alexandrinis adornata. Post Christum, Aquilae Pontici, Symmachi, Theodotionis, ἀνώνυμος, sub Bassiano Caracalla, in doliis prope Iericho: Item alia incerti auctoris reperta in dollis ad Nicopolim Septentrion. sub Severo: Ex quibus inter se iunctis, Origenes confecit sua Tetrapla, LXX. nempe, Aquilae, Symmachi, et Theodotionis: Hexapla, additâ prioribus editione Hebraeâ original. scriptâ literis tum hebraeis, tum Graecis: et Octapla, in quibus prioribus adnexuit duas versiones Graecas incertorum auctorum. Ad cuius imitationem, saeculô superiori, Franc. Vatablus Tripla, Hebraica, Graeca, Latina. Franc. Ximenius Cardinal. Toletan. et Arias Montanus Tetrapla, Hebraea, Chaladaea, Graeca et Latina: quorum prioris opus, Opus Complutense, posterioris Bibliaregia, dicitur, Elias Hutterus etiam Tetrapla, sed Hebraica, Graeca, Latina et Germanica: Augustin. Nebiensis Octapla edidit: hebraea, Chaldaea, Graeca, Arabica, et Latina tria de verbo ad verbum, Vulgata, et Paraphrasis Chald. versionem, cum brevibus scholiis. Et nuper admodum Biblia πολύγλωττα Londini prodierunt. Latinae variae, Itala, Hieronymiduae, Versio Vulgata; ex recentioribus, Versio Augustini Nebiensis, in Corsica Episcopi: Xantis Pagnini, castigata ab Aria Montano: Tigurinorum, a Leone Iudae, et Theodoro Bibliandro, V. T. Petro Cholino N. T. interpretibus facta: Seb. Munsteri: Seb. Castalionis, Em. Tremellii et Fr. Iunii: Ioh. Piscatoris. Germanica, Lutheri, Tigurinorum et Piscatoris. Gallica, Bezae et Genevensium. Italica, Ioh. Deodati, Anglica, Belgica, facta a Ioh. Rhodio, Corn. Honio, et Gnapheo Hagiensi, A. C. 1521. Item a Gomaro, Theologisque aliis, A. C. 1619. Hispaniea, Suecica, operâ Olai Petri, A. C. 1527. Danica, iusiu Friedrici Regis A. C. 1536. Sarmatica, Nic. Radzivilii sumptibus, ab Orsacio, Zacio, Tricesio, Iacobo Lubelscio, et Statorio, accuratissime, concinnata, et Brestae excusa, A. C. 1563. Bohemica, impensis Ioh. Zerotinii Bar. ab Alberto Nicolai, Luca Helicaeo, Ioh. Aenea, Georg. Vettero, Esaia Caepolla, Ioh. Ephraimo, Paulo Iestenio, et Ioh. Capitone, summo cum studio, neque sine elogio Episcopi cuiusdam Lat. Communionis, facta, A. C. 1588. etc. Ut taceam Versiones Arabicam, Persicam, Armenicam, Aethiopicam, Indicas varias, etc. Vide Alting. Theologiam Probl. Loc. 2. Probl. 27. et in voce Scriptura. In universa Biblia prostant Commentarii variorum: Brenii Annot. in V. et N. T. in fol. Amstel. 1664. Ioh. Calvinus, Criticus sacer, in 10. vol. Londini, 1660. Criticorum Synopsis S. Scripturae, 6. vol. in fol. Londini. 1673. Deodatus Ital. H. Grotius, Huetius, de claris Interpretibus S. Scripturae, in quart. Maresius Gall. Conr. Pellicanus. Ioh. Piscator, Herbornae in fol. A. C. 1646. Prücknerus; Francof. 1663. in fol. Quistoripii Annot. Rostochii in quart. 1648. Lud. de Tena, Isagoge in S. Scripturam. A. C. 1620. Iac. Tirinus 12. vol. in fol. Paulus Tostanus Germ. etc. Plura suppeditabit Guil. Crovvaei Elenchus Scriptorum, in S. Script. Londini editus A. C. 1672. In quo praemisia sunt S. Biblia partesque Bibliorum, variis linguis, variis vicibus,

editae.